ලෝක සතුටු දර්ශකය අනූව පිට පිට දෙවෙනි වරටත් ප්‍රථම ස්ථානයට හිමිකම් කියන්නේ ෆින්ලන්තය.

ලංකාවට හිමිවෙන්නේ 130වෙනි තැන. ෆින්තලන්තයේ මේ තත්වයට බලපාන හේතු කීපයක්ම තියෙනවා.....

 

pinland 1

 

01. නිතර එලිමහනේ ඉන්න ජනතාවක්

ෆින්ලන්තයේ ජනතාව වැඩියෙන්ම ඉන්නේ එලිමහනේ. රටේ පිරිසිදු වාතයක් සහිත පරිසරයක් තියෙනවා.රටේ වනාන්තර ප්‍රතිශතය 73%ක්. ලෝක සෞඛ්‍ය සංවිධානයට අනූව ෆින්ලන්තය පිරිසිදුම වාතය තියෙන රටවලින් එකක්. නිතර ස්වාභාවික පරිසරය එක්ක ගණදෙනු කරන නිසා වැසියන්ගේ ශාරීරික යෝග්‍යතාවය ඉහලයි වගේම මානසික ආතතියත් අඩුයි. ඒවගේම ස්වාභාවික පරිසරය ඔවුන්ගේ සංස්කෘතියේම කොටසක්.

 

pinland 2

02. බීමට ජලය සම්පූර්ණයෙන්ම නොමිලේ

ෆින්ලන්තය ලෝකයේ ප්‍රසිද්ධ විල් දහසේ රට කියලා. රටේ තියෙන විල් ගණන 187000කට වඩා වැඩියි. ජලාශවල ජලය කෙලින්ම බීමට ගන්න පුළුවන්. මේ හින්දම ඕනම වෙලැදසැලකින් නොමිලේම බෝතල්කරපු වතුර ගන්න පුළුවන්.

 

pinland 7

 

03. හැම දරුවකුටම වයස 17 වෙනතුරු දීමනාවක්

හැම දරුවකුටම මේ දීමනාව ලැබෙනවා. පළවෙනි දරුවට යුරෝ 100කුත් අනිත් දරුවන්ට වැඩි ගාණකුත් රජය ලබාදෙනවා. තව පාසල් උපකරණ, සෙල්ලම් බඩු, සනීපාරක්ෂක දාව්‍යය රජය නොමිලේ නිවසටම ගෙනත් දෙනවා. මේ නිසා දරුවෝ නිවසේ ආර්ථිකයට බරක් නෙවෙයි.

 

pinland 8

04. පොලීසිය පිළිබඳව ඉහළ විශ්වාසය

පොලීසිය සම්පූර්ණයෙන්ම ස්වාධීන ඒකකයක් විදිහට ක්‍රියාත්මක වෙනවා. වංචා, දූෂණ අවමයි. සමීක්ෂණයකට අනූව ජනතාවගෙන් 90%ක් පොලීසිය විශ්වාස කරනවා. මේ හින්දම අපරාධ අවම මට්ටමේ තියෙනවා.

05. ක්‍රීඩාව ජීවිතේම කොටසක්

රටේ හැමකෙනෙක්ම වගේ කිසියම් හෝ ක්‍රීඩාවක් කරනවා. අන්තර්ජාතික ක්‍රීඩා වගේම දේශීය ක්‍රීඩාත් තියෙනවා. බිරිඳ කරේ තබාගෙන දිවීම රටේ ජනප්‍රිය ක්‍රීඩා අංගයක්.

 

pinland 9

06. අන්තර්ජාලය භාවිතය අයිතියක්

මෙය අයිතියක් කරේ 2010 දී. ඒ, ඒ අයිතිය ලබාදුන්නු පළමු රට විදිහට. තම ප්‍රදේශයට හොඳ ආවරණයක් නැත්නම් පැමිණිලි කරන්න පුළුවන් වගේම අන්තර්ජාල වේගය අඩුවුනොත් වන්දි ඉල්ලන්නත් පුළුවන්.

07. අම්මලාටත් වඩා තාත්තලා දරුවෝ ගැන බලන රටක්

දරුවෙක් ඉපදුණාම තාත්තට පඩි සහිත සති 9ක නිවාඩුවක් ලැබෙනවා. තව දරුවොත් එක්ක කාලය ගතකරන්න දිරිමත්කරන වැඩසටහනුත් ක්‍රියාත්මකයි. දරුවා එලිමහන් ක්‍රියාකාරකම්වලට හුරුකිරීම, පොදු ස්ථානවලදී හදුන්වා දීම සංස්කෘතියේම කොටසක්.

 

pinland 10

08. වැඩියෙන්ම පොත් කියවන රටක්

ෆින්ලන්ත වැසියන්ගෙන් 70%කටත් වඩා තම ප්‍රදේශයේ පුස්තකාලයේ සක්‍රීය සාමාජිකයින්.පොත් මුද්‍රණ ගාස්තු ඉතා අඩුයි වගේම පුස්තකාල පහසුකම් රජයෙන් සපයනවා.

09. ලොව හොදම අධ්‍යාපනය සහිත රට

අධ්‍යාපනය සම්පූර්ණයෙන්ම නොමිලේ වගේම ලොව හොඳම අධ්‍යාපන ක්‍රමය තියෙන්නෙත් ෆින්ලන්තයේ. පොත්පත්, පාසල් උපකරණ, ක්‍රීඩා භාණ්ඩ නොමිලේ සපයනවා වගේම අසහනකාරී විභාගත් නෑ. තව, ටියුෂන් නෑ වගේම ෆින්ලන්ත දරුවෝ ලොව අඩුම මානසික පීඩනයක් සහිත දරුවෝ.

pinland 11

 

10. සිසු (SISU)

මේක ෆින්ලන්තයටම අවේනික ක්‍රමයක්. මේකෙන් ඕනම තත්වයක්ට මුහුණ දෙන්න පුළුවන් දරුවෙක් නිර්මාණය කරනවා. ඒ හින්දා ඕනෑම අවධානමක් ගන්න, කැප වී වැඩකරන පුරවැසියෙක් බිහිවෙනවා.

 

උපුටාගැනීම - Updated Brain

@ දේශාන් මහීී

 

නවතම ලිපි